[109,0] I 2, 9. OLEUM CAMINO ADDERE.
Affinem huic habet sententiam Oleum camino addere, 
pro eo, quod est malo fomentum ac velut alimoniam suppeditare, 
quo magis ac magis augescat.
Horatius in Satyris :
"Adde poemata nunc, hoc est, oleum adde carnino,"
id est adde maioris insaniae materiam. Usurpat hoc divus 
Hieronymus ad Eustochiam: "Vinum et adolescentia duplex 
est incendium voluptatis. Quod oleum flammae adiicimus?"