FRAGMENTA PETRONII
QVAE QVIBUS IN LOCIS REPONENDA SINT, INCERTVM EST 

Frag. I. 
Candida sidereis ardescunt lumina flammis, 
Fundunt colla rosas, et cedit crinibus aurum, 
Mellea purpureum depromunt ora ruborem, 
Lactaneaque admixtus sublimat pectora sanguis, 
Ac totus tibi seruit honor, formaque dearum 
Fulges, et Venerem coelesti corpore uincis. 
Argento stat facta manus, dugutusque tenellis 
Serica fila trahens, pretioso stamine ludis. 
Planta decens modicos nescit calcare lapillos, 
Et dura laedi scelus est uestigia terra: 
Ipsa tuos cum ferre uelis per lilia gressus, 
Nulli sternuatur leuiori pondere flores. 
Guttura nunc aliae magnis monilibus ornent, 
Aut gemmas aptent capiti: tu sola placere, 
Vel spoliata, potes. Nulli laudabile totum, 
In te cuncta probat, si quisquam cernere possit. 
Sireneum cantus, et dulcia plectra Thaliae 
Ad uocem tacuisse, reor, quae mella propagas 
Dulcia, et in miseros telum iacularis amoris. 
Cor graue uulnus alit, nullo sanabile ferro, 
Sed tua labra meo saeuum de corde dolorem 
Depellant, morbumque animae medicaminis huius 
Cura fuget, nec tanta putres uiolentia neruos 
Dificiet, atque tuae moriar pro crimine caussae. 
Sed, si hoc grande putas, saltem concede precanti, 
Vt iam defuncturum niueis ambire lacertis 
Digneris, uitamque mihi post fata reducas. 
Frag II. 
Albutia. 
Memphitides, puellae, 
Sacris Deum paratae, 
Tinctus colore noctis 
Manu puer loquaci, 
Aeguptias choreas — 
Frag. III. 
Balneatricem — Pollice usque ad periculum roso. 
Frag. IV. 
Anus recocta uino, 
Trementibus labellis. 
Frag. V. 
Iuuerunt segetes meum laborem. 
Frag. VI. 
Triplici uides, ut ortu 
Triuiae rotetur ignis, 
Volucrique Phoebus axe 
Rapidum pererret orbem. 
Frag. VII. 
Non bene olet, qui bene semper olet. 
Frag. VIII. 
Animam nostro amplexam in corpore. 
Frag. IX. 
Qui uultur iecor intimum pererrat, 
Et pectus trahit, intimasque fibras, 
Non est, quem lepidi uocant poetae; 
Sed cordis mala, liuor atque luctus. 
Frag. X. 
Ad libidinis incitamentum, myrrhinum se poculum bibisse — In armarium memet 
conieci — Obtorto ualgiter labello — Totus fere mundus mimum uidetur implere — 
Non duco contentonis funem, dum constet inter nos, quod fere totus mundus 
exerceat histrioniam. 
Frag. XI. 
O maxima rerum, 
Et merito pietas homini tutissima uirtus! 
Frag. XII. 
— Horrificoque infestant murmure tigres. 
Frag. XIII. 
Nam comtum me uernales alucitae molestabant — Postquam ferculum allatum est — 
Tot regum manubiae penes fugitiuum repertae — Satis constat, eos nisi 
inclinatos, non solere transire cryptam Neapolitanam — Petauroque iubente modo 
superior — Adfer nobis alabastrum Cosmianum — Suppes — Tullia. 
Frag. XIV. 
— Ineluctabile fatum. 
Frag. XV. 
— Tremebunda superuolat hasta. 
Frag. XVI. 
— Qui praeesse cupit, prodesse recusat. 
Magnus in exemplo est, cui non suffecerat orbis. 
Frag. XVII. 
— Exciso defossa marmore petra. 
Frag. XVIII. 
Quinque pedum fabricata domus, qua nobile corpus 
Exigua requieuit humo. — 
Atque, ut araneoli, tenuem formauimus orsum. 
Frag. XIX. 
Mille saporatam medicatis frugibus offam. 
Frag. XX. 
Non est forma satis; nec, quae uult bella uideri, 
Debet uulgari more placere sibi. 
Dicta, sales, lusus, sermonis gratia, risus, 
Vindicunt naturae candidioris opus. 
Condit enim formam, quidquid consumitur artis, 
Et, nisi uelle subest, gratia tota perit. 
Frag. XXI. 
Non satis est, quod non mergis, furiosa iuuentus: 
Transuersosque rapit fama sepulta probris? 
Anne etiam famuli cognata faece sepulti, 
In testa mersas luxuriantur opes? 
Vilis seruus habet regni bona: cellaque capti 
Deridet festram, Romuleamque casam. 
Idcirco uirtus medio iacet obruta coeno: 
Nequitiae classes candida uela ferunt. 
Frag. XXII. 
Primus in orbe deos fecit timor: ardua coelo 
Fulmina cum caderent, discussaque moenia flammis, 
Atquew ictu flagraret Athos: Mox Phoebus ad ortus, 
Lustrata deiectus humo: Lunaeque senectus, 
Et reparatus honos: Hinc signa effusa per orbem, 
Et permutatis didiunctus mensibus annus 
Proiecit uitium hoc: atque error iussit inanis 
Agricolas primos Cereri dare messis honores: 
Palmitibus plenis Bacchum uincire: Palemque 
Pastorum gaudere manu. Natat obrutus, omni 
Neptunus demersis aqua: Pallasque tabernas 
Vindicat. Et uoti reus, et qui uendidit orbem, 
Iam sibi quisque deos auido certamine fingit. 
Frag. XXIII. 
Nolo ego semper idem capiti suffundere costum, 
Nec toto stomachum conciliare mero. 
Taurus amat gramen mutata carpere uelle, 
Et fera mutatis sustinet ora cibis. 
Ipse dies ideo nos grato perluit haustu, 
Quod permutatis hora equis. 
Frag. XXIV. 
Vxor legitimus debet quasi census amari: 
Nec censum uellem semper amare meum. 
Frag. XXV. 
Inuenias, quod quisque uelit. Non omnibus unum est, 
Quod placet. Hic spinas colligit, ille rosas. 
Frag. XXVI. 
Nam nihil est, quod non mortalibus afferat usum. 
Rebus in aduersis, quae iacuere, iuuant. 
Sic, rate demersa, fuluum deponderat aurum; 
Remorum leuitas naufraga membra uehit. 
Cum sonuere tubae; iugulo stat diuite ferrum; 
Barbara contemtu praelia pannus habet. 
Frag. XXVII. 
Linque tuas sedes, alienaque littora quaere, 
O iuuenis! maior rerum tibi nascitur ordo. 
Ne succumbe malis: te nouerit ultimus Ister, 
Te Boreas gelidus, securaque regna Canopi, 
Quique renascentem Phoebum, cernuntque cadentem. 
Maior in externas Ithacus descendat arenas. 
Frag. XXVIII. 
Nam citius flammas mortales ore tenebunt, 
Quam secreta tegant. Quidquid dimittis in aula, 
Effluit, et subitis rumoribus oppida pulsat. 
Nec satis est, uulgasse fidem: simulatius exit 
Proditionis opus, famamque onerare laborat. 
Sic commissa uerens, auidus referare minister, 
Fodit humum , regisque latentes prodidit aures. 
Concepit nam terra sonos, calamique loquentes 
Inuenere Midam, qualem narrauerat iudex. 
Frag. XXIX. 
Fallunt nos oculi, uagique sensus, 
Oppressa ratione, mentiuntur. 
Nam turris, prope quae quadrata surgit. 
Attritis procul angulis rotatur. 
Hyblaeum refugit satur liquorem, 
Et naris casiam frequenter odit. 
Hoc illo magis, aut minus, placere 
Non posset, nisi, lite destinata, 
Pugnarent dubio tenore sensus. 
Frag. XXX. 
Iam nunc ardentes auctumnus fregerat umbras, 
Atque hiemem tepidis spectabat Phoebus habenis: 
Iam platanus iactare comas, iam coeperat uuas 
Annumerare suas, defecto palmite, uitis: 
Ante oculos stabat, quidquid promiserat annus. 
Frag. XXXI. 
Sic et memba solent auras includere uenis, 
Quae penitus mersae, cum rursus abire laborant, 
Verberibus rimantur iter: nec desinit ante, 
Frigidus, adstrictis qui regnat in ossibus, horror, 
Quam tepidus laxo manauit corpore sudor. 
Frag. XXXII. 
Sic, contra rerum naturae munera nota, 
Coruus maturis frugibus oua refert: 
Sic format lingua foetum, cum protulit, ursa, 
Et piscis, nullo iunctus amore, parit. 
Sic Phoebeia chelys, uinclo resoluta parentis, 
Lucinae tepidis naribus ora fouet. 
Sic sine concubitu textis apis excita ceris 
Feruet, et audaci milite castra replet. 
Non uno contenta ualet natura tenore, 
Sed permutatas gaudet habere uices. 
Frag. XXXIII. 
Naufragus, eiecta nudus rate, quaerit eodem 
Percussum telo, cui sua fata legat. 
Grandine qui segetes et totum perdidit annum, 
In simili deflet tristia fata sinu. 
Funera conciliant miseros, orbique parentes 
Coniugunt gemitus, et facit hora pares. 
Nos quoque confusis feriemus sidera uerbis, 
Et fama est, iunctas fortius ire preces. 
Frag. XXXIV. 
Omnia, quae miseras possunt finire querelas, 
In promtu uoluit candidus esse Deus. 
Vile olus, et duris haerentia mora rubetis, 
Pugnantis stomachi composuere famem. 
Flumine uicino, stultus sitit, et riget Euro, 
Cum calidus tepido consonat igne rogus. 
Lex armata sedet circum fera limina nuptae, 
Nil metuit licito fusa puella toro. 
Quod satiare potest, diues natura ministrat, 
Quod docet infrenis glorai, fine caret. 
Frag. XXXV. 
Iudaeus licet et porcinum numen adoret, 
Et coeli summas aduocet auriculas. 
Ni tamen et ferro succiderit inguinis oram, 
Et nisi nudatum soluerit arte caput, 
Exemtus populo, Graiam migrabit ad urbem, 
Et non ieiuna sabbatha lege premet. 
Vna est nobilitas, argumentumque coloris 
Ingenui, timidas non habuisse manus.