28. Leander et Hero.
Sestus et Abydus urbes uicinae erant, et interfluentis
maris arto diuisae. Una earum celebris extitit per Leandrum, 
pulcherrimum iuuenem; altera per Hero, pulcherrimam 
mulierem; quibus absentibus, amor imis concaluit mentibus. 
Iuuenis autem, impatiens ignis, omni modo quaerebat 
obtinendae uirginis copiam. Sed nullo ad Hero terra aditu
inuento, simul calore et audacia impulsus, se ponto tradidit; 
sicque natando singulas noctes puellam adiit, oblato ex aduerso 
turris lumine, puellae studio, quo nocturnum iter ad 
eam dirigere posset. Quadam uero nocte quum acrius solito 
imminens uentus faculam extingueret, errando et inscius, quo
cursum teneret, nando interiit. Cuius corpus quum postero 
die eiectum in litore fluctibus Hero uidisset, dolore instincta 
a culmine cecidit. Sic cum quo sortita fuit partem mundanae 
uoluptatis, cum eo et pertulit damnum mortiferae acerbitatis.

29. Cleobis et Bito.
Quum mos esset, Argiuam sacerdotem iunctis bubus ire 
ad templa Iunonis, et sollemni die non inuenirentur boues 
(pestilentia enim, quae per Atticam transierat, uniuersàs 
consumserat), duo sacerdotis filii, Cleobis et Bito, matrem,
subeuntes iugo, ad templa duxere. Tum Iuno, probans 
eorum religionem, obtulit matri, ut, quod uellet, posceret 
filiis. Illa pia responsione ait, ut, quod sciret dea utile mortalibus, 
ipsa praestaret. Altero itaque die sacerdotis iuuenes 
reperti sunt mortui. Ex quo probatum est, nihil esse morte
praestantius.

30. Amulius et Numitor.
Amulius et Numitor fratres fuerunt. Amulius fratrem 
imperio pepulit, et filium eius necauit: filiam uero Iliam 
Vestae sacerdotem fecit, ut spem sobolis auferret, a qua 
se punitum iri cognouerat. Hante, ut multi dicunt, Mars 
compressit; unde nati sont Remus et Romus, quos cum 
matre Amulius praecipitari iussit in 'I'iberim. Tum, ut quidam 
dicunt, Iliam sibi amnis fecit uxorem: pueri uero expositi 
ad uicinam ripam sunt. Hos Faustus repperit pastor, 
cuius uxor erat nuper meretrix, Acca Larentia, quae susceptos 
aluit pueros. Hi postea auum suum Numitorem, 
occiso Amulio, in regnum reuocarunt. Quibus dum cum 
auo angustum Albae uideretur imperium, recesserunt, et 
captatis auguriis urbem condiderunt. Sed Remus prior sex 
uultures uidit; Romus postea duodecim. Quae res bellum 
creauit, in quo extinctus est Remus; et a Romi nomine 
Romani appellati. Ut autem pro Romo Romulus diceretur, 
blandimenti genere factum est, quod gaudet diminutione. 
Quod a lupa dicuntur alti, fabulosum figmentum est ad 
celandam auctorum Romani generis turpitudinem. Nec incongrue 
factum est: nam et meretrices lupas uocamus; unde 
et lupanaria: et constat hoc animal esse in tutela Martis.

31. Lyncus.
Lyncus rex Scythiae fuit, qui missum a Cerere Triptolemum, 
ut omnibus frumenta ministraret, susceptum hospitio,
ut in se tanta gloria migraret, interimere cogitauit. Ob 
quam rem irata Ceres eum conuertit in lyncem feram uarii 
coloris , ut ipse uariae mentis extitérat.

32. Oenopion.
Oenopion rex quum liberos non haberet, a Ioue, Mercurio 
Neptunoque, quos hospitio susceperat, hortantibus, ut 
ab his aliquid postularet, petiit, ut sibi concederent liberos. 
Illi, intra corium immolati sibi bouis urina facta, praeceperunt, 
ut obrutum terra, completis maternis mensibus, solueretur. 
Quo facto, inuentus est puer, cui nomen ab urina 
impositum est, ut Orion diceretur. Qui, postea uenator factus, 
quum uellet cum Diana concumbere, ut Horatius dicit, eius 
sagittis occisus est; ut Lucanus, immisso scorpione periit: 
et deorum miseratione inter sidera collocatus est.