[0] Summis desirantes affectibus. Innocentius episcopus, seruus seruorum Dei ad perpetuam rei memoriam. [1] Summis desiderantes affectibus prout pastoralis sollicitudinis cura requirit, ut fides catholica nostris potissime temporibus ubi augeatur et floreat, ac omnis haeretica prauitas de finibus fidelium procul pellatur, ea libenter declaramus ac etiam de nouo concedimus, per quae huiusmodi pium desiderium nostrum uotiuum sortiatur effectum, cunctis propterea per nostrae operationis ministerium, quasi per prouidi operatoris sarculum erroribus extirpatis, eiusdem fidei zelus et obseruantia, in ipsorum corda fidelium fortius imprimatur. [2] SANE nuper ad nostrum non sine ingenti molestia peruenit auditum, quòd in nonnullis partibus Alemaniae superioris, nec non in Maguntinenensi, Coloniensi, Treuerensi, Saltzburgensi et Bremensi, prouinciis, ciuitatibus, terris, locis, et diocesibus complures utrius sexus, personae propriae salutis immemores, et a fide catholica deuiantes, cum daemonibus, incubis and succubis abuti, ac suis incantationibus, carminibus and coniurationibus, aliis nephandis superstitiosis et sortilegis excessibus, criminibus et delictis, mulierum partus, animalium fructus, terrae fruges, uinearum uuas, et arborum fructus, necnon homines, mulieres, pecora, pecudes, et alia diuersorum generum animalia, uineas quoque, pomeria, prata, pascua, blada, frumenta, et alia terrae legumina, perire, suffocari, and extingui facere et procurare, ipsos homines, mulieres, iumenta, pecora, pecudes, et animalia diris tam intrinsecis quam extrinsecis doloribus et tormentis afficere et excruciare, ac eosdem homines ne gignere, and mulieres ne concipere, uirosque ne uxoribus, et mulieres ne uiris actus coniugales reddere ualeant impedire. [3] Fidem preterea ipsam quam in sacri susceptione baptismi susceperunt, ore sacrilego abnegare, alia quam plurima nefanda excessus and crimina, instigante humano generis inimico committere et perpetrare non uerentur in animarum suarum periculum, diuinae maiestatis offensam ac perniciosum exemplum, ac scandalum plurimorum. [4] Quod licet dilecti filii HENRICI Institoris, in praedictis partibus Alemaniae superioris, in quibus etiam prouinciae, ciuitate, terrae, dioceses and alia loca huiusmodi comprehensa fore censetur, nec non IACOBVS SPRENGER per certas partes lineae Rheni, ordinis Praedicatorum et Theologiae professores, haereticae prauitatis inquisitores, per literas apostolicas deputati fuerunt, prout adhuc existunt, tamen nonnulli clerici et laici illarum partium, quaerentes plura sapere quam oporteat, pro eo quòd in literis deputationis huiusmodi prouincie, ciuitates, dioceses, terrae and alia loca praedicta, illarum personae ac excessus huiusmodi nominatim and specifice expressa non fuerunt, illa sub eisdem partibus minime contineri, and propterea praefatis Inquisitoribus in prouinciis, ciuitatibus, diocesibus, terris and locis praedictis, huiusmodi inquisitionis officium exequi non licere, et ad personarum earundem super excessibus and criminibus antedictis, punitionem, incacerationem and correctionem admitti non debere, pertinaciter asserere non erubescunt. [5] Propter quod in prouinciis, ciuitatibus, diocesibus, terris and locis praedictis excessus et crimina huiusmodi non sine animarum earundem euidentia iactura et aeternae salutis dispendio remanet impunita. Nec igitur impedimenta quaelibet quae per ipsorum inquisitorum officii executio, quomodolibet retardari posset de medio submouere, ne labes haereticae prauitatis, aliorum excessum, huiusmodi in perniciem aliorum innocentum sua uenena diffundat, oportunis remediis prout nostro incumbit officio, prouidere uolentes fidei zelo ad hoc maxime nos impellente, ne propterea contingat prouincias, ciuitates, dioceses, terras and loca praedicta sub eisdem partibus Alemaniae superioris, debito inquisitionis officio, carcere eisdem inquisitoribus in illis officium inquisitionis, huiusmodi exequi licere, et ad personarum earundem, super excessibus et criminibus praedictis, correctionen, incarcerationem, et punitionem admitti debere, perinde in omnibus et per omnia, ac si in literis praedictis, prouinciae, ciuitates, dioceses, terrae et loca, ac personae et excessus huiusmodi nominatim et specifice expressa forent, tenore praesentium statuimus auctoritate Apostolica. [6] Proque potiori cautela literas, et deputationem praedictas ad Prouincias, Ciuitates, Dioeceses, terras, et loca, necnon personas, et crimina huiusmodi extendentes, praefatis Inquisitoribus, quod ipsi, et alter eorum accersito secum dilecto filio, Ioanne semper Clerico Constant. Dioecesis Magistro in artibus eorum moderno, seu quouis alio Notario publico, et per ipsos, et quemlibet eorum pro tempore deputando in Prouinciis, Ciuitatibus, Dioecesibus, terris, et locis praedictis contra quascumque personas cuiuscumque conditionis, et praeeminentiae fuerint, huiusmodi Inquisitionis officium exequi, ipsasque personas, quas in praemissis culpabiles repererint, iuxta earum demerita corrigere, incarcerare, punire, et mulctare. Necnon in singulis Prouinciarum huiusmodi Parochialibus Ecclesiis, uerbum Dei fideli populo quotiens expedierit, ac eis uisum fuerit, proponere, et praedicare, omniaque alia, et singula in praemissis, et circa ea necessaria, et opportuna facere, et similiter exequi libere, et licite ualeant, plenam, ac liberam, eadem auctoritate de nouo concedimus facultatem. Et nihilominus Venerabili Fratri nostro Episcopo Argentinensi, per Apostolica scripta mandamus, quatenus ipse per se, uel per alium, seu alios praemissa, ubi, quando, et quotiens expedire cognouerit, fueritque pro parte Inquisitorum huiusmodi seu alterius eorum legitime requisitus, solemniter publicans, non permittat eos per quoscumque super hoc contra praedictarum, et praesentium literarum tenorem, quauis auctoritate molestari seu alias quomodolibet impediri: molestatores, et impedientes, et contradictores quoslibet, et rebelles cuiuscumque dignitatis, status, gradus, praeeminentiae, nobilitatis, et excellentiae, aut conditionis fuerint, et quocumque exemptionis priuilegio sint muniti, per excommunicationis, suspensionis, et interdicti, ac alias etiam formidabiliores (de quibus sibi uidebitur), sententias, censuras, et poenas, omni appellatione postposita, compescendo, et etiam legitimis super his per eum seruandis processibus, sententias ipsas (quotiens opus fuerit) aggrauare, et reaggrauare, auctoritate nostra procuret, inuocato ad hoc si opus fuerit auxilio brachii saecularis.