[4,0] SATIRA IV.
IN PRINCIPUM SUPERBIAM, LIBIDINEM ET INSCITIAM.

1 Rem populi tractas! (barbatum hoc crede  magistrum 
Dicere, sorbitio tollit quem dira cicutae.) 
Quo fretus? die hoc, agni pupille   Pericli ! 
Scilicet ingenium et rerum prudentia uelox 
5 Ante pilos uenit? dicenda tacendaque calles? 
Ergo, ubi commota feruet plebecula bile, 
Fert animus calidae fecisse silentia turbae 
Maiestate manus! Quid deinde loquere? «  Quirites, 
Hoc, puto, non iustum est; illud male; rectius illud. » 
10 Scis etenim iustum gemina suspendere lance 
Ancipitis librae; rectum discernis, ubi inter 
Curua subit, uel quum fallit pede regula uaro; 
Et potis es nigrum uitio praefigere   theta. 
Quin tu igitur, summa nequidquam pelle decorus, 
15 Ante diem, blando caudam iactare popello 
Desinis,   Anticyras melior sorbere meracas?
Quae tibi sumina boni est? uncla uixisse patella 
Semper, et assiduo curata   cuticula sole... 
Exspecta: haud aliud respondeat haec anus. I nunc 
20  Dinomaches ego sum!  suffla. Sum candidus! Esto, 
Dum ne deterius sapiat pannucea Baucis, 
Quum bene discincto cantauerit ocima uernae.
Ut nemo in sese tentat descendere, nemo! 
Sed praecedenti spectatur mantica tergo.
25 Quaesieris: « Nostin’  Vectidi praedia? — Cuius? 
Diues arat Curibus   quantum non miluus oberret: 
Hunc ais? hunc, dis iratis Genioque sinistro, 
Qui, quandoque   iugum pertusa ad compita figit, 
Seriolae ueterem metuens deradere limum, 
30 Ingemit : Hoc bene sit! tunicatum cum sale mordens 
Cœpe; et, farratam, pueris plaudentibus, ollam, 
Pannosam faecem morientis sorbet aceti. »
At si unctus cesses, et figas in cute solem, 
Est prope te ignotus, cubito qui tangat, et acre 
35 Despuat in mores,   penemque arcanaque lumbi 
Runcantem, populo marcentes pandere uuluas. 
Tu quum maxillis balanatum gausape pectas, 
Inguinibus quare detonsus gurgulio exstat? 
Quinque palaestritae licet haec plantaria uellant, 
40 Elixasque nates labefactent forcipe adunca, 
Non tamen ista felix ullo mansuescit aratro.
Caedimus, inque uicem praebemus crura sagittis 
Viuitur hoc pacto. Sic nouimus : ilia subter 
 Caecum uulnus habes; sed lato balteus auro 
45 Praetegit. Ut mauis, da uerba, et decipe neruos, 
Si potes. — Egregium quum me uicinia dicat, 
Non credam? — Viso si palles, improbe, nummo; 
Si facis in penem quidquid tibi uenit amarum; 
Si puteal multa cautus   uibice flagellas, 
50 Nequidquam populo bibulas donaueris aures. 
Respue quod non es; tollat sua munera cerdo: 
Tecum habita : et noris, quam sit tibi curta supellex.