[289,0] I, 3, 89. TUNICA PALLIO PROPIOR EST.
Apud Plautum in Trinummo legitur allegoria prouerbialis: 
"Tunica pallio propior est". Quo significatum ex amicis nos 
aliis atque aliis magis esse deuinctos neque parem omnium 
habendam esse rationem.
Apud ueteres primum in officio locum habebant parentes, 
proximum pupilli nostrae fidei crediti, tertium clientes, 
quartum hospites, quintum cognati et affines, ut indicat 
Gellius libro quinto capite XIII,136. Praetereae quaedam 
negocia propius aliis ad nos pertinere.
Pallium extrema uestis apud Graecos, quemadmodum 
apud Romanos toga. Tunica toga tegebatur, ut frequenter 
apud Homerum g-chlainai g-kai g-chitohnes simul nominantur.