(22) turpe ducet cedere pari, pulchrum superasse maiores. Accendunt omnia 
haec animos, et licet ipsa uitium sit ambitio, frequenter tamen causa uirtutum 
est.

(23) Non inutilem scio seruatum esse a praeceptoribus meis morem, qui cum 
pueros in classis distribuerant, ordinem dicendi secundum uires ingenii dabant, 
et ita superiore loco quisque declamabat, ut praecedere profectu uidebatur: 
huius rei iudicia praebebantur.