CONSTANTII FELICII DURANTINI UTRIUSQUE IURIS PERITI
AD LEONEM X- PONT- MAX- DE EXILIO M- TULLII- CICERONIS
LIBER INCIPIT.

Bello Catilinario confecto, fama rerum gestarum Ciceronisque nomen
late serpens manauerat iam per omnem orbem terrae.
Et quamquam Antonius rerum quas Cicero in praesulatu gessit socius adiutor
ac particeps fuisset, illius tamen rei gloria pene omnis ac laus Ciceronem
est comitata.
Neque iniuria : qui Kal- Ianuariis sollicitam ciuitatem suspicione legis agrariae
atque perturbatam concionibus tribunorum grauitate eloquentia illa singulari
ac pene diuina legis agrariae maximarumque largitionum metu liberauit.
Qui proscriptorum filios alienissimo R- P- tempore honores petentes
comitiis priuauit. Qui Antonium collegam cupidum prouinciae multa in
r- p- molientem sapientia atque obsequio suo a ?iutatorum consiliis remouit
et ad suam traduxit uoluntatem.